پاکستانی سیکیورٹی فورسز نے بھارتی جارحیت کو ناکام بناتے ہوئے بھیجے گئے مزید چھ اسرائیلی ساختہ ڈرون تباہ کر دیے, افواج پاکستان نے اب تک بھارت کے کل 77 ڈرونزکو تباہ کردیا۔
سیکیورٹی ذرائع کے مطابق بھارت کی جانب سے جدید اسرائیلی اور مختلف ٹیکنالوجی کے ڈرونز بھیجنے کا سلسلہ دوسرے روز بھی جاری ہے، پاکستانی سیکیورٹی فورسز نے صبح سے اب تک مزید 48 ڈرون مار گرائے ہیں۔
پاک فوج کی جانب سے ملک کے مختلف علاقوں میں ڈرونز گرائے گئے ہیں، سیکیورٹی فورسز نے ایک ڈرون کو وہاڑی، ایک کو پاکپتن اور چار ڈرونز کو اوکاڑہ میں تباہ کیا گیا ہے۔
ذرائع کا بتانا ہے کہ آٹھ مئی کی شام تک 29 بھارتی ڈرونز کو مار گرایا گیا، ڈرونز کی تباہی سے بھارت کو اربوں ڈالرکا نقصان ہوچکا۔
