یمنی ذرائع نے ملک کے اہم مقامات پر اسرائیلی رژیم کے فضائی حملے کی اطلاع دی۔
مہر خبررساں ایجنسی کے مطابق، یمنی ذرائع نے ملک پر صیہونی حکومت کی وسیع جارحیت کی اطلاع دی ہے، یہ حملہ الحدیدہ پر کیا گیا ہے۔
دوسری طرف صیہونی میڈیا نے یمن پر بمباری کی اطلاع دی ہے۔
فلسطینی مجاہدین نے یمن کے خلاف صیہونی رژیم کی جارحیت کے ردعمل میں کہا: ہم یمن کے خلاف صیہونی امریکی حکومت کی نئی جارحیت کی شدید مذمت کرتے ہیں جس میں حدیدہ کی بندرگاہ اور شہری تنصیبات کو نشانہ بنایا گیا ہے۔ ہم یمن کے عوام کے ساتھ یکجہتی کا اظہار کرتے ہیں۔ صیہونی جارحیت فلسطینی عوام کی حمایت میں یمن کی طرف سے اس حکومت پر مسلط کردہ بحری اور فضائی ناکہ بندی کو توڑنے میں صیہونیوں کی ناکامی کو ظاہر کرتی ہے۔
رشیا ٹو ڈے نے یمن پر اسرائیلی حکومت کے فضائی حملوں کی تصاویر حاصل کیں۔ ہوا میں دھوئیں کے مرغولے اٹھ رہے تھے۔
اسرائیلی چینل 12 ٹی وی نے فوجی حکام کے حوالے سے خبر دی ہے کہ یمن پر حملے میں 30 لڑاکا طیاروں نے حصہ لیا۔
اکسیوس نے ایک اسرائیلی اہلکار کے حوالے سے بتایا کہ قابض فوج نے یہ حملہ بین گورین ہوائی اڈے پر حملے کے جواب میں کیا۔
