پاکستان تحریک انصاف (پی ٹی آئی) کے بانی عمران خان نے کہا ہے کہ بھارت کے خلاف ہم متحد ہیں۔
عمران خان سے جیل میں ملاقات کے بعد وکیل فیصل چوہدری نے میڈیا سے گفتگو کرتے ہوئے کہاکہ بانی پی ٹی آئی نے کہا ہے بھارت کے خلاف ہم متحد ہیں۔
فیصل چوہدری کے مطابق عمران خان نے کہاکہ حکومت نے فیصلے کرتے ہوئے کسی کو اعتماد میں نہیں لیا۔
پی ٹی آئی رہنما فیصل چوہدری کا مزید کہنا تھا کہ مودی کے اقدامات نے پاکستانی قوم کو متحد کردیا ہے۔
واضح رہے کہ عمران خان سے جیل میں فیصل چوہدری، عثمان ریاض گل، محمود جوئیہ اور ہارون نواز نے ملاقات کی ہے، جبکہ بانی پی ٹی آئی کی بہنوں کو ابھی تک ملاقات کی اجازت نہیں مل سکی۔
