کینیڈا الیکشن، ابتدائی نتائج میں حکمراں لبرلز کو برتری حاصل

کینیڈا کے پارلیمانی انتخابات کیلئے بعض علاقوں میں ووٹنگ ختم ہوگئی ہے جبکہ بعض میں پولنگ ختم ہونے میں کچھ دیر باقی ہے، کینیڈا کے وزیراعظم اور لبرل پارٹی کے امیدوار مارک کارنی اور کنزرویٹو پارٹی کے پیئر Poly-ev میں کانٹے کا مقابلہ متوقع ہے، 50 سے زائد پاکستانی نژاد امیدوار مختلف سیاسی جماعتوں سے قسمت آزمائی کر رہے ہیں، اکثریت حاصل کرنے کے لیے 343 نشستوں میں سے 172 نشستیں درکار ہیں۔

کینیڈا میں لبرل پارٹی کا اقتدار برقرار رہے گا یا کنزریٹوز وزارت عظمی سنبھالیں گے، فیصلے کیلئے ووٹنگ بعض علاقوں میں آخری لمحات میں جاری ہے۔

تمام بڑی سیاسی جماعتوں کے لیڈر اپنا ووٹ کاسٹ کرچکے ہیں اور ووٹنگ سب سے پہلے نیوفاؤنڈ لینڈ اور لیبرا ڈور میں بند ہوئی جبکہ اونٹاریو سمیت دیگر علاقوں میں ایسٹرن ٹائم ساڑھے نو بجے بند ہوگی۔

کینیڈا کے پارلیمانی انتخابات کیلئے ووٹنگ کا وقت ختم ہونے کے قریب پہنچ رہا ہے، لبرل پارٹی کے لیڈر مارک کارنی نے اوٹاوا اور انکے بڑے حریف پئیغ پولی ایوغ نے بھی اپنا ووٹ اوٹاوا ہی میں کاسٹ کیا۔