شہباز شریف نے قومی سلامتی کمیٹی کا اجلاس آج صبح دس بجے طلب کر لیا

پاکستان کے وزیراعظم شہباز شریف نے آج (بدھ) صبح 10 بجے قومی سلامتی کمیٹی کا اجلاس طلب کر لیا ہے۔

پنجاب میں ہنگامی حالت کا اعلان

وزیر اعلیٰ مریم نواز شریف نے پورے پنجاب میں ہنگامی حالت کا اعلان کر دیا ہے۔

پنجاب پولیس سمیت تمام سکیورٹی ادارے ہائی الرٹ ہیں۔ پنجاب کے تمام ہسپتالوں کے ڈاکٹروں اور طبی عملے کی چھٹیاں منسوخ کر دی گئی ہیں۔

تفصیلات کے مطابق تمام سٹاف کو فوری طور پر ڈیوٹیاں سنبھالنے کا حکم دے گیا ہے۔ پنجاب بھر کے تمام اضلاع کی انتظامیہ کو بھی ہائی الرٹ کر دیا گیا ہے۔ شہری دفاع سمیت دیگر تمام اداروں کے افسران اور عملہ بھی طلب کر لیا گیا ہے۔

اسلام آباد میں سکیورٹی ہائی الرٹ

وفاقی دارالحکومت اسلام آباد میں بھی سکیورٹی ہائی الرٹ ہے۔ اسلام آباد انٹرنیشنل ائیرپورٹ پر بھی الرٹ ہے اور اسلام آباد فائربرگیڈ ہیڈ کوارٹر کو بھی الرٹ کر دیا گیا۔ تمام ہسپتالوں میں بھی ہائی الرٹ کر دیا گیا۔