لکی مروت کے علاقے لنگر خیل پکہ میں دہشت گرد مسجد میں گھس گئے، جنہیں مقامی افراد نے گھیر کر گٹھنے ٹیکنے پر مجبور کردیا۔
دہشت گردوں اور مقامی افراد کے درمیان فائرنگ کا تبادلہ ہوا، جب دہشتگردوں کو فرار کا کوئی موقع نظر نہ آیا تو انہوں نے مقامی افراد سے مذاکرات کئے۔
جس کے بعد دہشت گردوں کو دوبارہ نہ آنے کی شرط پر چھوڑ دیا گیا۔
پولیس کے مطابق مقامی افراد اوردہشت گردوں میں مذاکرات پولیس کے آنے سے پہلے ہوئے۔
دہشت گردوں نے قرآن پر حلف لیا کہ وہ پھر گاؤں لنگر خیل پکہ نہیں آئیں گے، جس پر ان کی جان بخشی کی گئی۔
